ქართველური ენები თეოდორ იანკოვიჩ დე მირიევოს ლექსიკონში

ანოტაცია

სტატიაში განხილულია თეოდორ იანკოვიჩ დე მირიევოს ლექსიკონი „ყველა ენისა და კილოს შედარებითი
ლექსიკონი, დალაგებული ანბანთრიგზე,“ რომლის ოთხი ტომი გამოვიდა სანქტ-პეტერბურგში 1790-1791 წლებში. ამ
ლექსიკონში შეტანილია 272 ენისა და კილოს 60000-ზე მეტი ლექსიკური ერთეული, რითაც მნიშვნელობით
აღემატება თავის უშუალო წყაროსა და წინამორბედს, პ. ს. პალასის ლექსიკონს (1787; 1789). თუმცა, როგორც ჩვენმა
კვლევამ აჩვენა, ქართველური ენების (ქართული, მეგრული და სვანური) წარმომადგენლობითობის მხრივ (როგორც
რაოდენობრივი, ისე თვისებრივი მონაცემებით), მათ შორის არანაირი სხვაობა დასტურდება. თ. იანკოვიჩ დე
მირიევოს ლექსიკონს მხოლოდ ისტორიული მნიშვნელობა აქვს ქართველურ ენათა შესწავლისა და დოკუმენტირების
თვალსაზრისით.