ინფორმაციული სუგესტია, როგორც საინფორმაციო ომის მთავარი მდგენელი

ანოტაცია

ციფრულ ერაში საინფორმაციო ომი გავლენის მოპოვების მთავარ ინსტრუმენტად იქცა. მისი მძიმე შედეგი
სამიზნე ობიექტისთვის მით უფრო დამანგრეველია, რაც უფრო მეტია სუგესტიის მდგენელი. ეს თანაბრად
ვრცელდება როგორც სახელმწიფოებზე, ისე ცალკე აღებულ ორგანიზაციებზე, რომლებიც ერთმანეთთან
საინფორმაციო ომში არიან ჩართულები. სტრატეგიული უპირატესობის მოპოვება სწორედ საინფორმაციო ომის
სწორად დაგეგმვასა და წარმართვაზე გადის. სწორი სტრატეგიით შერჩეული და შემდგომში ასეთივე ტაქტიკით
წარმართული თუნდაც შორეულ წარსულში დაწყებული საინფორმაციო ომი საბოლოო ჯამში დასახულ მიზანს
მაინც აღწევს სწორედ სუგესტიური მომენტის დიდი დოზის გამო.
წინამდებარე ნაშრომი ერთგვარად პირველი მცდელობაა საინფორმაციო ომის განსხვავებული რაკურსით
წარმოდგენისა და გააზრებისათვის.